நடிகை தமன்னா தமிழ் படங்களில் நடிப்பதில்லையே என அவரது ரசிகர்கள் ஏங்கிக் கொண்டிருக்க அம்மணி சைலன்டாக பாலிவுட்டிற்கு டேக் ஆஃப் ஆகியிருக்கிறார். 1983ல் வெளியான திரைப்படம் ஹிம்மத்வாலா. இத்திரைப்படம் தான் பாலிவுட்டில் ஸ்ரீதேவிக்கு பெரிய பிரேக் ஏற்படுத்திக் கொடுத்தது. ஜிதேந்திராவுடன் ஜோடி போட்டு அவர் நடித்த இந்த திரைப்படம் தற்போது ரீமேக் செய்யப்படுகிறது. இதில் ஹீரோவாக நடிக்கிறார் அஜய் தேவ்கான். ஹீரோயின் வேடத்திற்கு தீபிகா படுகோனே, கட்ரீனா கைப் என பல முன்னணி நடிகைகள் பெயர்கள் அடிபட்டு வந்த நிலையில், எல்லோரையும் ஓரங்கட்டிக் கொண்டு ஒய்யாரமாக ஹீரோயின் பிளேஸை பிடித்திருப்பவர் தமன்னா தான்.
இந்தப் படத்தின் ஒரிஜினல் வெர்சனில் ஸ்ரீதேவி ஆடிப்பாடும் ஒரு பாடல் இடம் பெற்றிருக்கும். அந்தப்பாட்டை ரீமேக்கில், மிகவும் பிரமாண்டமாக எடுக்கயிருப்பதாகவும் அதற்காக பிரபல நடன இயக்குநர் ஃபரா கானை ஒப்பந்தம் செய்திருப்பதாகவும் படத்தின் இயக்குநர் தெரிவித்துள்ளார். ஸ்ரீதேவிக்கு கிடைத்த மாதிரி, தமன்னாவுக்கும் ஹிம்மத்வாலா பிரேக் ஏற்படுத்திக் கொடுக்குமா என பொறுத்திருந்து பார்ப்போம்.
No comments:
Post a Comment